شرح معنى المازورة الغير مكتملة , شرح معنى الأوكتاف و التعريف عنه مع تطبيقات , تعريف رمز الإنتقال في الاكتافات , تمرين على عزف أوكتاف بنفس اليد.
لونا رفاعي:
"مرحبا أنا لونا الرفاعي من فريق اعزف دوت كوم.
اليوم راح نتابع عن الرموز والتعابير الموسيقية يللي بتساعدنا انه نعزف بطريقة جميلة ونوصل اللحن بشكل صحيح هاي الدروس بشكل عام كتير مهمه لأنه بتساعد كتير انه اللحن يكون متقن وبتساعد بحركة الإيد والأريحية بالعزف المهم نركز علي هاي الدروس.
اليوم راح نحكي عن انه نفرض لو المقطوعة كان عندي فيها ميزان أربعة علي أربعة متل مانحنا شايفين عنا لكن اول مازورة كان فيها عدد الأزمنة يساوي واحد فقط فا هون صار عندي تناقض لأنه الميزان أربعة علي اربعة واول مازورة زمنها واحد هادا بنسمية الميزان الغير كامل الميزان الغير كامل ماراح يضل هي كانا عندي بنهاية المقوعة الموسيقية آخر مازورة بيكون موجود فيها بهاي الحالة الزمن تلاتة يعني مثلا انا بلشت اول مازورة سوداء راح يكون في عندي آخر مازورة بالمقطوعة تلاتة سوداء او بيضاء منقوطة مثلا او بيضاء مع سكتة بمقدار زمن واحد هادا هو الإنكومبليت ميجر كمان الموضوع التاني اللي بدنا نحكي عنه هو الأوكتاف سمعنا اكتر من مرة حكينا أوكتاف هو شو معني أوكتاف لو أنا بلشت من منتصف البيانو من الدو للدو انا بسمية أوكتاف (تعزف الأستاذة لونا التمرين).
لو طلبت منكم انه تطلعو لأوكتاف أعلي يعني بهادا الشكل انا حركت ايدي (تعزف الأستاذة لونا التمرين)هادا الأوكتاف اللي اعلي طيب نرجع نطلب منكم تنزلو بالأوكتاف أسفل (تعزف الأستاذة لونا التمرين)وبالتالي السلم هو واحد وعم ننتقل اللحن بيصير علي ارفع او علي اغلظ طيب هلأ لما بنشوف تمنية علي سطر من النقاط بجانبة هادا معناتة انه احنا بدنا خلال عزفنا ننتقل لأوكتاف أعلي كيف يعني نفترض في عنا المقطوعة اللي موجودة (تعزف الأستاذة لونا التمرين).
بالمقطوعة موجود عندي نفس اللحن او النوتات مرتين انرسمو من دون ما أنا ارسمهم بسلم أعلي او ارسم علي الخطوط العالية واطلع بالسلم بس الإشارة اللي كانت عندي هي رمز الأوكتاف الأعلي فابتالي هون عندي (تعزف الأستاذة لونا التمرين).
فالبتالي انا نفس النوتات رسمتها مرة تانية وطلعت فيها مع الرمز الأوكتاف الأعلي فاهيكون بهادا الشكل عزفها (تعزف الأستاذة لونا التمرين) وبعد هادا الدرس بطلب منكم تعملو التمرين التالي لحتي يساعدكم علي التنقل بسلالسة بين الأوكتاف اللي عم تعزفو علية واللي أعلي منة او الأوكتاف اللي أوطي منة (تعزف الأستاذة لونا التمرين) بالإضافة لتمرين ممكن يساعدنا علي العزف بقوة لأنه ماننسي الأصبع الخامس ممكن يكون عندة شوية ضعف فااحنا بنزيد التمرين عليه بهادا الشكل (تعزف الأستاذة لونا التمرين).
خلينا ننتبة انه ايدنا كأنه عملنالها فري زاو جمدناها وهي عم تتنقل بهادا الشكل وهادا بيساعدنا لأنه المسافة الأخير واحدة مسافة واحدة بين الدو والدو (تعزف الأستاذة لونا التمرين)مرة تانية (تعزف الأستاذة لونا التمرين).
يعطيكم ألف عافية وبشوفكم بدرسنا الجاي."
